--Ads--
Pinasingkedan ni Interior Secretary Jonvic Remulla nga adda ita idiay Paris, France ni dati nga Ako Bicol Rep. Zaldy Co ken mapapati nga agtaltalinaed iti maysa a 10-bedroom house idiay Champs-Elysees.
Segun ken ni Remulla, ti sanikua ket asideg iti paglakwan ti maysa a sikat a brand ken mapatta-patta nga aggatad iti agingga 200 milion a dolyar wenno nasurok-kumurang P14.18 billion.
Innayon ti opisial a natalek a maisubli ni Co iti Pilipinas sakbay a malpas ti asylum application-na idiay France.
Sumangsango ni Co iti kaso a graft ken malversation mainaig iti mapapati a maanomalya a P289.5 million a flood control project idiay Oriental Mindoro.
-- ADVERTISEMENT --
