Innaganan ni dati nga Ako Bicol Rep. Zaldy Co da Presidente Ferdinand Marcos Jr., dati nga Speaker Martin Romualdez, ken sumagmamano nga opisial ti gobierno iti mapapati a P100 billion insertions iti 2025 national budget.
Segun ken ni Co, mapapati nga imbaga ni Budget Secretary Amenah Pangandaman a naggapu iti presidente ti pammilin a mangiserrek iti nasao a gatad iti bicam, ken mapapati a kinumpirmaran ni Usec Lucas Bersamin.
Awan pay ti sungbat ditoy ti Malakanyang, ni Romualdez, Bersamin ken ni Pangandaman.
Innayon ni Co a mapapati nga ar-aramaten ti administrasion ti amin a kabaelanda tapno mapaulimek isuna ken addan pangta iti biagna.
Kabayatanna, kinuna ni Marcos a saan pay a karaman ni Romualdez kadagiti kaso ti Independent Commission for Infrastructure ngem mabalin a madusa no adda baro nga ebidensia.
