Naisayangkat ti simulation iti gingined, aksidente ken uram a naawagan iti Kabataang Handa sa Kalamidad at Sakuna wenno Youth in Disaster Response idiay San Vicente Integrated School ken Christ the King Plaza iti Barangay Poblacion ti nasao nga ili.
Ti aktibidad ket ingannuat ti San Vicente Local Government Unit babaen iti pannakibinnuligda iti Bureau of Fire Protection-San Vicente, Municipal Disaster Risk Reduction and Managament, San Vicente Police Station ken ti Rural Health Unit.
Iti pannaki-uman ti Bombo Radyo Vigan ken ni Senior Fire Officer IV Greson Ramos, Acting Municipal Fire Marshal, nakipaset iti aktibidad dagiti agtutubo manipud iti pito a barangay ti ili.
Gagem ti aktibidad a mayadal kadagiti agtutubo no ania dagiti nasken a maaramid no adda didigra ken tapno ammoda no kasano ti mangisayangkat iti first aid.
Ti BFP ti nangidaulo iti lecture ken simulation ti uram, MDRRMO met iti earthquake drill, ken ti PNP ken RHU iti mass casualty ken aksidente.
