Imbingay ni Yasmien Kurdi ti nakaro a pannubok a naglasatanna ken ti pamiliana kabayatan ti panangilabanna iti anakna a mapapati a nakapadas iti school bullying.
Segun ken ni Yasmien, dua a lawas a nayospital ti anakna gapu iti anxiety ken dimmalan iti innem a bulan a therapy kalpasan ti insidente idi Disyembre 2024.
Gapu met iti nakaro nga stress ken panagpampanunot, naitaray met iti emergency room ti aktres ta nagsagaba iti nakaro nga urticaria wennp skin rashes.
Iti baet ti naglasatan ti pamiliana, nagdesision ni Yasmien a sumrek iti law school, a kunana ket nakatulong tapno saan unay a mapasaran ti trauma ken maaddan iti baro a goal.
Para iti aktres, nagbalin a “healing ground”-na ti panagadal iti kinaabogado ta mapagtalinaedna a busy ti panunitna ken nakatutok iti positibo a banag.
