Saan a dimmar-ay iti panagdenggeg ti Land Transportation Office wenno LTO ni Alyanna Mari Aguinaldo wenno Yanna Vlog a nag-viral iti road rage idiay Zambales.
Ti abogadona a ni Atty. Ace Jurado iti simmangpet iti preliminary hearing.
Segun ken ni Atty. Jurado, makaaw-awaten ti pangta iti biag ti kliyentena isu a kinaykayatnan a nagtalinaed iti pagtaenganda.
Iti apology letter nga imbasa ni Atty. Jurado ket nagkiddaw iti pammakawan ti vlogger iti driver ti pick-up truck ken kadagiti amin a napasakitan iti nagbalin a galadna.
Ti panagkiddawna iti pammakawan ket saan a tapno mangala iti simpatiya nu diketdi agserbi nga adal tapno saan a tuladen iti inaramidna.
Kasta pay a saanen a lumaban ni Yana kadagiti kaso a maipila kenkuana ken nakasaganana a sangwen aniaman a maipataw a pannusa kenkuana.
Kinuna met ti driver a ni Jimmy Pascua, ituloyna a kasoan ni Yanna ta saan a sincere iti panagkiddawna iti pammakawan.
Innayonna a nakabutbuteng iti inabotna a pannakaibabain iti panagpost ti vlogger iti inaramidna a pananginsulto.
