Insingasing ni Parañaque 2nd District Rep. Brian Raymund Yamsuan a maikkan iti P7,000 a binulan a subsidy dagiti kwalipikado a benepisyaryo iti biang dagiti mangngalap, mannalon, ken mangmangged iti pampubliko a transportasion.
Nailanad iti House Bill No 8340 a mangibilin iti pannakaipatungpal ti komprehensibo a fuel subsidy program para iti sektor ti pampubliko a transportasion, agrikultura, ken panagkalap iti baet ti ngumin-ngina a presio ti langis.
Inlawlawag ni Yamsuan a gagem ti gakat a ma-institutionalized ti fuel subsidy program tapno masigurado nga adda mekanismo nga idatag ti gobierno para kadagiti vulnerable sector tunggal adda krisis.
Maibasar iti gakat, mangbukel iti maysa nga Advisory Council a mangimaton iti panangituding iti gatad ti subsidy depende iti sitwasion wenno presio ti langis.
