Inlawlawag ni House prosecution legal spokesperson Atty. Jay Tolosa a mabalin nga awaten kas ebidensia dagiti photocopy wenno “xerox copy” iti impeachment trial, basta sumursurot daytoy iti Rules on Evidence ken awan ti problema iti panagbalin nga authentic ti orihinal a dokumento.
Segun ken ni Tolosa, iti salinong ti documentation rule, dagiti duplicate, pakairamanan ti photocopies ket mabalin a maibilang a katukad ti orihinal iti presentasion ti ebidensia.
Mabalin laeng a kwestyonaran daytoy no makapadudua iti panagbalin na nga orihinal wenno no saan a nalinteg ti panangawat ti duplicate imbes a ti mismo nga orihinal a dokumento.
Rimmuar iti isyu kalpasan a kwestyonaran ti depensa ti panagaramat ti photocopy kadagiti dokumento a naipila iti impeachment proceedings.
