VIGAN CITY – Naisayangkat ti wreath-laying ceremony idiay Magsaysay, Santa kas panangilagip iti maika dua gasut siam a pulo ket tallo nga anibersaryo iti panagkasangay ni Maria Josefa Gabriela Cariño Silang, umuna a Pilipino a babai a nangidaulo iti rebolusyon idi sinakup dagiti Kastila ti Pilipinas.
Ti aktibidad ket indaulwan ni Vice Governor Ryan Singson, Mayor Jesus Popoy Bueno, Vice Mayor JJ Bueno.
Adda pay met da Ilocos Sur Police Provincial Director Police Colonel Darnell Dulnuan, Police Captain Mark Bryan Corpuz iti Santa Municipal Police Station.
Ni Gabriela ket maysa a Filipino military leader a mabigbigbig kas babai a lider iti Ilocano independence movement manipud Spain.
Naipasngay idiay Barangay Caniogan, Santa, a natay iti tawenna a tallopulo ket dua gapu iti pannakabitayna idiay Vigan Central Plaza idi September 20, 1763.
