Agsublin iti panagay-ayam ni World No. 3 Carlos Alcaraz inton sumaruno a bulan.
Karaman ti nagan ni Alcaraz iti entry list iti Cincinnati Open a nakaituding a mangrugi inton bulan ti Agosto.
Dayta iti umuna a laban ti Spanish tennis star manipod ma-injure isuna idi April 2026 bayat nga agayay-ayam iti umuna a round iti Barcelona Open.
Gapu ti injury, saan a nakaay-ayam iti dadakkel a torneo idiay Madrid, Rome ken iti Ronald Garros, nga isu ti defending two-time champion.
Saan pay isuna a nakaay-ayam ti Wimbledon Open a ti karibalna ket ni Jannick Sinner nga idi kallabes ket nakoronaan a kampeon iti maikadua a nagsaruno a tawen.
Agserbi a warmup para ken ni Alcaraz ti Cincinnati Open sakbay ti manamnama a panagay-ayam ti US Open tapno depensaran iti trophy-na.
Iggem ti Spanish tennis player ti pito a Grand Slam title iti Australian Open, French Open, Wimbledon ken US Open.
