VIGAN CITY – Nagballaag ti World Health Organization (WHO) a mangpataud dagiti peke nga agas iti pannakasabidong ken dadduma pay a harmful side effects.
Segun ti World Health Organization a ti panagtomar iti peke nga agas ket napeggad iti salun-at.
Dagiti peke ken substandard nga agas ket delikado , ta naglaun ti a toxic levels ti dangerous substances a pakaigapuan ti pannakasabidong, basar iti panagadal ti National Institutes of Health (NIH).
Innayon ti NIH a dagiti peke nga agas ket saan laeng a delikado iti salun-at ti publiko no di ket mangitunda pay iti long-term threat babaen ti drug resistance, a delikado iti intero a lubong.
Binalakadan ti WHO ti publiko a gumatang kadagiti agas manipud kadagiti autorisado a botika ken agkonsulta a dagus kadagiti healthcare providers no agdudua maipapan iti agas.
