“Very productive” no iladawan ni Presidente Ferdinand Marcos Jr ti two-day working visit na idiay Amerika.
Pinasingkedan ni presidente Marcos ti nagrigatan na nga i-promote ti kappia iti tengnga ti global tensions ken panag-kiddaw ti suporta para iti tarigagay ti Pilipinas a maala ti maysa a non-permanent seat sa United Nations Security Council (UNSC).
Iti umuna nga aldaw a working visit ti presidente ket impakaammo na iti national statement na iti 70th session ti UN Commission on the Status of Women a ti progreso ti pagilian ket marukod babaen iti kasasaad ken bileg dagiti babbai.
Nakitaripnong pay ni Marcos ken ni UN Secretary General António Guterres ket pinasingkedan na ti commitment ti Pilipinas iti multilateralism ken agtultuloy a kooperasion kadua ti global body.
Nag-host pay ni presidente Marcos iti maysa a diplomatic reception a nakipasetan ti high-level representatives manipud kadagiti member states ti United Nations tapno agtultuloy nga agkiddaw ti suporta para iti pagsayaatan ti Pilipinas.
