Insingasing ti Department of Labor and Employment kadagiti employer a mangipatungpal iti addang a mangsalwad kadagiti mangmangged ita a nakaro ti kinabara ti panawen.
Segun ken ni DOLE Bureau of Working Conditions (BWC) Director Alvin Curada, nasken a mai-adjust-na ti oras ti trabaho nangruna kadagiti mangmangged nga agkakainitan kas koma kadagiti adda iti construction industry.
Innayonna a nataltaged no mangrugi ti oras ti trabaho iti alas sais agingga alas onse iti bigat, ken maituloy iti alas dos agingga alas singko wenno alas sais iti malem.
Isingsingasingna pay ti pannakaipatungpal ti buddy system tapno adda katinnulong ti kada mangmangged tapno mabantayan ti kasasaad ti tunggal maysa ken ti panangipaay iti regular break iti kada dua wenno tallo nga oras tapno maikkan gundaway a makainanada
