Insingasing ni Senate Finance Committee Chair Sherwin Gatchalian a mabalin nga ipatungpal dagiti kompania ti four-day workweek wenno work-from-home arrangements kas addang iti panaginot ti enerhiya iti danag ti posible a panagngato ti presio ti langis gapu ti tension idiay Middle East.
Segun ti senador, makatulong ti setup tapno maikkatan ti konsumo ti gasolina ken diesel kangrunaan no agtultuloy ti panagngato ti presion ti krudo.
Innayon pay ni Gatchalian a nasken nga adalen ti gobierno ti panangited ti subsidies iti panaggatang ti electric vehicles partikular kadagiti public utility vehicle (PUV), kas solusion tapno maikkatan ti panag-depende ti pagilian iti imported a langis.
Kabayatanna, nagpanawagan ti senador nga ipatungpal ti fuel subsidies babaen ti panagusar ti contingency fund ti Presidente tapno masolbar ti epekto ti panagngato ti presio ti langis iti transport sector ken kadagiti consumer.
