VIGAN CITY – Maisayangkat iti awarding para kadagiti winner ken finalists iti 2022 Regional Search for Outstanding DepEd Personnel Gawad Lam-ang inton October 3, 2022 iti Sison Auditorium idiay Lingayen, Pangasinan.
Ti nasao a pammadaway ket kagiddan iti selebrasyon ti National Teacher’s Month.
Dagiti karaman nga Outstanding Supervisor iti probinsia ket pakairamanan ni Maria Teresita Gapate, Jose Bueno Jr., Felipa Regaspi ken Nelson Robiñol nga agpapada nga Education Program Supervisor.
Para kadagiti outstanding school heads ket pakairamanan da Marisa Valoria a Principal IV ken Ernalyn Cortez a Principal IV.
Dagiti outstanding teaching personnel ket da Joy Caren Tablante ken Ryan Aquino nga agpada a Teacher III.
Iti biang met iti outstanding non-teaching personnel ket pakairamanan ni Honeylet Zamora iti Level 2 SEPS idinto a ni Alvima Sadcoy nga Admin Assistant III iti Level 1.
Para iti finalists iti outstanding teaching personnel ket nakairamanan ni Felimino Valdez Jr. a Teacher III idinto a ti outstanding non-teaching personnel finalists ket pakairamanan da Gloria Cabotaje a planning officer III iti siudad ti Vigan ken Meynard Jerel Luczon iti project development officer II iti siudad ti Vigan.
