--Ads--
Binabalaw ni Sen. Win Gatchalian ti Philippine National Police gapu iti sanna a panangipasarra kadagiti iligal nga online gambling site, agraman ti e-sabong, iti baet ti P1.195 billion nga intelligence funds iti salinong ti 2026 budget.
Nadakamatna dagiti site kas ti SW418.com, Wil-Network, World Platinum Technologies, ken Gotech Entertainment a mapapati nga agop-operate latta uray no saan a sumursurot iti regulasion ti Philippine Amusement and Gaming Corporation (PAGCOR).
Segun ken ni Gatchalian, uray dakkel ti pastrek ti gobierno iti e-gaming ket saan a nasken nga isakripisio ti moralidad ti umili gapu iti dakes nga epektona ti adiksyon iti sugal.
