VIGAN CITY – Tallopulo ket innem iti natay ken nasurok sangaribo nga ektarya iti naapektaran iti wildfire a mapapasamak idiay Maui, Hawaii.
Iti pannaki-uman ti Bombo Radyo Vigan ken ni Bombo International News Correspondent Rey Patao nga adda idiay Hawaii ken tubo iti Brgy. Aggay, Bantay, adun iti nauram a pagtaengan, restaurant, bar, grocery stores, business establishments ken dagiti kadaanan a pagpasyaran kangrunaan dagiti historic building idiay Lahaina a naaramid pay laeng iti 1700s ken masansan a paborito a pagpasyaran dagiti turista.
Segun ken ni Patao, immuna a naipakaammo a na-contain iti uram idi kalman, August 9, 2023 ngem kalpasan laeng iti mano nga oras ket nagkayamkamen iti adadu a paset a gappuanan ti pannakaapektar ken nakatayan dagiti umili.
Gapu iti nakaru ti wildfire ket saan pay a mabalin nga agaramat ti helicopter dagiti bombero a pangdepdeo ta napigsa iti angin iti nasao a lugar.
VOICE OF BOMBO INTERNATIONAL NEWS CORRESPONDENT REY PATAO
