--Ads--
Agtultuloy nga imonmonitor ti World Health Organization ti panagwaras ti Marburg Virus Disease iti United Republic of Tanzania.
Maipalagip a sipud naideklarar ti outbreak ti virus idi January 20, maysa ti nainayon a natay kas kinumpirmaran ti Ministry of Health manipud iti epicenter ti panagwaras ti sakit idiay Biharamulo district idiay Kagera region.
Agingga idi Pebrero 10, 2025, dua ti kumpirmado a kaso ken walo ti posible a naakaran.
Amin dagiti sangapulo a kaso ket natay, agraman ti walo a natay sakbay pay a nakumpirmaran ti panagwaras ti sakit.
-- ADVERTISEMENT --
