--Ads--
Kinontra ti Office of the Executive Secretary wenno OES ti agwarwaras a dokumento a mangibagbaga a nagdeklara ti Malakanyang iti alternative work arrangement iti sumagmamano a lugar iti pagilian gapu iti saan a nasayaat a paniempo.
Segun iti OES, awan ti rekomendasion manipud iti National Disaster Risk Reduction and Management Council tapno ipatungpal ti nasao a work arrangement kadagiti opisina ti gobierno.
Rimmuar a nakopya laeng ti lehitimo a Memorandum Circular No. 126 a nairuar idi Biernes.
Nasukatan ti petsana tapno paruaren a maipatpatungpal manen ita nga aldaw ti alternative work arrangement gapu iti napigsa latta a panagtudo.
-- ADVERTISEMENT --
Impaganetget ti OES a peke a dokumento ken fake news ti agwarwaras a Memorandum Circular No. 127.
