Inaprubaran ti Civil Service Commission (CSC) ti panangted ti agingga lima nga aldaw a Wellness Leave para kadagiti kameng ken opisyal iti gobierno.
Segun ken ni CSC Chairperson Marilyn Barua-Yap, gagem ti Wellness Leave nga ikkan ti gundaway dagiti empleado nga aginana, ag-recover ken taripatoen iti bagida.
Kinuna ti komisyon a mabalin a maala ti Wellness Leave iti tallo nga aldaw nga agsasaruno wenno agsisina iti uneg iti maysa a tawen.
Ti nasao a leave ket saan a mabalin nga urnongen wenno isukat no saan a maaramat iti nasao a tawen.
Mabalin nga aramaten ti leave para iti mental health care, physical wellness activities wenno simple a break manipod iti trabaho ken dadduma a regular a Vacation wenno Sick Leave.
Rumbeng pay a mapagtalinaed a confidential ti amin nga impormasyon maipanggep iti wellness leave.
Ti aplikasion ket kasapulan nga irekomendar iti immediate supervisor ken ipasa iti head of office para iti pannaka-aprubar.
