Maysa a welder ti nakemmeg iti naiwayat a buy-bust operation iti Candon City, Ilocos Sur.
Ti suspek ket agtawen iti limapulo ket dua, agnaed iti nasao a siudad.
Nakumpiskar manipud iti suspek ti nasurok-kumurang 7.08 grams ti mapapati a napagango a marijuana nga aggatad iti P849.6, a naikabil iti maysa a heat-sealed transparent plastic sachet, 1 a piraso ti elongated glass tube, 1 a piraso ti elongated rolled white paper, ken 1 a piraso ti small elongated rolled white paper a nagserbi a buy-bust item ken ikotna.
Dagiti non-drug evidence ket pakairamanan ti 1 a piraso ti genuine P500 nga isu ti buy-bust money, maysa a pakete ti sigarilyo, national ID card, ken cellphone.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
