Kinumpirmaran ti Philippine Coast Guard (PCG) a nadunor dagiti tallo a mangngalap a Pilipino ken nadadael iti dua a fishing boat iti water cannon attack kadagiti barko iti China Coast Guard (CCG) iti Escoda Shoal idi December 12.
Impakaammo ni PCG Spokesperson for the West Philippine Sea Commodore Jay Tarriela a nakaawat ti PCG ti report a mapatta-patta a duapulo a mangngalap a Pilipino iti lehitimo nga agop-operate iti lugar ti nabombaan iti water cannon ken nalapdan iti CCG vessels 21559 ken 21562 kadua iti dadduma pay a Chinese maritime militia vessels.
Inggagara pay ti CCG Rigid Hull inflatable boats a puteden ti anchor lines iti sumagmamano a Filipino fishing boats a nangitunda iti peggad iti nasao a fishing boats ken kadagiti naglugan a mangngalap a Pilipino iti baet iti napigsa a kuryente ken napigsa a dalluyon.
Iti panagresponde dagiti barko iti PCG kadagiti apektado a mangngalap ket linapdan ida dagiti barko iti CCG a mangidadaulo ti napeggad a tignay.
Iti baet ti ilegal a panagserrek iti Chinese vessels, balligi a nagteng ti PCG dagiti manngngalap iti bigat ti Sabado ken naipaayan iti insigida a medical attention dagiti nadunor a mangngalap.
