VIGAN CITY – Nakemmeg ti maysa a babai a wanted person idiay Bry. Suyo, Dingras, Ilocos Norte.
Ti akusado ket agtawen iti duapulo ket walo, naasawaan, awanan trabaho nga agnanaed idiay Suyo, Dingras, Ilocos Norte ngem tubo iti ili ti Nagbukel.
Ti panagtitinnulong dagiti pannakabagi ti linteg iti Nagbukel Police Station ken Dingras Municipal Police Station ken INPPO, ket nakemmeg ti akusado iti bileg iti warrant of arrest nga inruar ti 4th Municipal Circuit Trial Court, Narvacan-Nagbukel-Santa, Narvacan, Ilocos Sura napetsaan idi Hunyo 29 gapu ti kaso na nga Adultery nga adda pyansana a P36,000.
Naipan iti Dingras Police Station ti akusado para iti booking ken documentation ngem iti agdama ket nakakustodiyan iti Nagbukel Police Station para iti pannakaipresentarna iti korte.
