VIGAN CITY – Tallo a wanted persons ti nakemmeg idiay Barangay Bannuar, San Juan gapu ti panaglabsingda iti linteg-trapiko.
Nabigbig dagiti suspek a da Lorna Palacpac, agtawen iti uppat a pulo a taga-Barangay Resurrecion; John Denver Fernandez Guzman, agtawen iti tallopulo a taga-Barangay Muraya; ken ni Denmar Toreno Duldulao a taga-Barangay Camindoroan.
Tallo ribo a pisos ti pyansa a nailatang iti tunggal maysa kadakuada para ti temporaryo a pannakawaya-wayada.
Ti warrant of arrest dagiti suspek ket napetsaan iti February 7, 2022 nga imparuar ti MCTC Magsingal-San Juan.
Kabayatanna, nakemmeg babaen iti bileg ti warrant of arrest ni Romar Pascua, agtawen iti duapulo ket wao, OFW a taga-Barangay Lintik, Banayoyo gapu ti kasona a Direct Assault upon Agent of Person in Authority.
Ti warrant of arrest-na ket imparuar ni Judge Jaime Bugain, Presiding Judge iti 6th MCTC, Santiago-San Esteban, napetsaan iti February 1, 2016 ken nailatangn iti sangapulo ket dua a ribo a pisos a pyansa tapno temporaryo a mawaya-wayaan.
