Maysa a Top 8 Provincial Level ken Top 1 Municipal Level ti nakemmeg idiay Barangay Sagayaden, Cabugao, Ilocos Sur babaen iti warrant of arrest.
Nabigbig ti wanted person a ni Joshua Mangoba Arellano, agtawen iti duapulo ket pito, agnaed iti nasao a lugar.
Iti pannaki-uman ti Bombo Radyo Vigan ken ni Police Major Juan Jhayr Maggay, sumangsango daytoy iti kaso a panaglabsing iti Section 5 paragraph B ti Republic Act 7610 wenno Special Protection of Children Against Abuse, Exploitation and Discrimination Act.
Ti warrant of arrest-na ket nairuar idi kalman February 20, 2025 babaen iti Presiding Judge ti RTC First Judicial Region, Branch 24, Cabugao, Ilocos Sur.
Nailatang met ti pyansa a P200,000 para iti temporaryo a pannaka-wayawayana.
Kabayatanna, saanen a limmaban ti wanted person kadagiti nagresponde kenkuana a kapulisan no di ket nasayaat met ti isusurotna kadakuada.
