Walopulo ket maysa a UNP Graduates, nakapasa iti Physician Licensure Exam

Walopulo ket maysa manipud kadagiti sangagasut uppat a pulo ket maysa a nagexam manipud University of Northern Philippines ti nakapasa iti 2024 Physician Licensure Examination.

Iti pannaki-uman ti Bombo Radyo Vigan ken ni Dr. Pablo Quedado, Dean ti UNP-College of Medicine, ti bilang dagiti nakapasa ket katukad iti 57.45 percent, banag a pakaragsakanna ta naartapanda ti 50 percent a passing rate para kadagiti first taker.

Adda met pito manipud kadagiti tallopulo ket walo a retakers ti nakapasa.

Kabayatanna, ti UNP passing rate ket 88/179, katukad iti 49.16 percent.