VIGAN CITY – Walopulo ket dua a paputok ken sangapulo a piraso ti improvised boga ti nakumpiskar manipud iti maysa a siudad ken dua nga ili iti probinsia babaen ti naiwayat a post to post inspection kadagiti designated Firecracker zone/display kas mayannurot iti intensified campaign on illegaly manufactured firecracker kagiddan ti umadani a panangrambak iti baro a tawen.
Duapulo a piraso ti awan markana a kwitis wenno sky rocket nga aggatad iti tallo gasut a pisos ti nakumpiskar idiay Barangay Parada, Sto. Domingo.
Innem a pulo ket dua a piraso ti maiparit a paputok a baby rockets nga aggatad iti PHP620 a nagtaud iti China ti nakumpiskar manipud iti paglaklakawan ni Maricel Go, agtawen iti uppat a pulo ket lima a taga-Barangay VIII, Vigan City.
Kabayatanna, sangapulo a piraso met ti boga ti naala manipud iti Barangay Guardia ken Barangay Naguimba, Banayoyo babaen ti panangisuko da Barangay Captain Richard Castillo, agtawen iti limapulo ket uppat iti Barangay Guardia ken ni Barangay Captain Alejandro Ulosen, agtawen iti limapulo ket siam iti Barangay Naguimba.
