Generally peaceful ti walo nga aldaw a panagipilaan iti Certificate of Candidacy para iti 2025 Midterm elections iti Ilocos Sur a narugian idi October 1 ken nagpatingga idi October 8, ita a tawen.
Iti pannaki-uman ti Bombo Radyo Vigan ken ni Police Provincial Director PCOL. Darnell Dulnuan, awan ti nairekordda nga insidente a mabalin a pangta iti nakapia a panagpipili.
Sakbay pay ti filing ket adda naisayangkaten a tallo nga aldaw a conferences ken nabilin ida a papigsaen ti intelligence gathering ken operational capabilities-da.
Numan pay awan ti riri iti nagbaetan dagiti kumandidato ket dagiti supporter ti kunana a bantayanda ta isuda no dadduma ti mangirugrugi iti riribuk.
Kabayatanna, maipatungpalto met ti gun ban inton January 12 nga isu ti rugi ti election period.
