VIGAN CITY – Walo ti nakemmeg a nagsusugal iti naiwayat nga Anti-Illegal Gambling operation idiay Barangay Cabaroan, Tagudin.
Nabigbig dagiti suspek a da Justin Duanne Nacalinao Limon, agtawen iti tallopulo ket dua; JP Ortega Lagrana, agtawen iti duapulo ket lima; John Divid Velasco Limon, agtawen iti duapulo; Ronaldson Javar, agtawen iti uppat a pulo ket innem; Herminigildo Labador Lagrana, agtawen iti limapulo ket siam; Edwin Nuesca Limon, agtawen iti limapulo ket uppat; Harold Ariel Rivera Limon, agtawen iti duapulo ket maysa; ken ni Josephine Tadeja Villanueva, agtawen iti innem a pulo ket maysa, agpapada nga agnaed iti nasao a lugar.
Naaktuan dagiti suspek nga agaayam iti pusoy ket naala kadakuada ti braha ken pusta nga PHP830.
Nupay kasta, sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.
