--Ads--
VIGAN CITY – Walo a tattao iti nakemmeg iti naiwayat a illegal gambling operation idiay Brgy. Pantay Fatima, Vigan City.
Nabigbig dagiti suspek a da Francisco Raceles, Ronald Rabang, Christopher Dolliente, Francis Alarca, Aniceto Raboy, Bherlyn Reotutar, Marjorie Arganion ken Gaspar Escobar.
Basar ti report manipod Vigan City Police Station, inwayatda ti operasyon kontra kadagiti suspek nga agsusugal iti natayan iti nasao a barangay ket nakumpiskar ti Table 1 ti sangaribu pito gasut siam a pulo ket innem a pisos, Table 2 tallo gasut walo pulo a pisos a kwarta.
Kalaksidan ti kwarta kinumpiskar dagiti otoridad ti dua a lamisaan, dua a set ti baraha ken sangapulo a piraso ti tugaw.
-- ADVERTISEMENT --
