Nawaya-wayaanen dagiti walo a Filipino Seafarer a naibalud idiay Malaysia gapu iti panaglabsing iti Immigration laws iti nasao a pagilian kas kinuna ti Department of Migrant Workers (DMW).
Dagiti walo a Pilipino ket crew iti MT Krishna 1 a na-detain iti maysa a police station idiay Kota Tinggi, Malaysia.
Kasaruno iti welfare visit idi kalman ket nangngeddengen ti Prosecutor’s Office idiay Johor a makaruaren dagiti walo a Filipino crew member iti vessel nga MT Krishna 1 a naibalud idiay Kota Tinggi.
Manarimaanen ti panangasikaso ti DMW ken Migrant Workers Office ken Overseas Workers Welfare Administration (OWWA) idiay Kuala Lumpur iti repatriation dagiti walo tapno makaawiden iti pagilian.
Makikamkammayet pay iti ahensya iti pamilia dagiti tripulante a Pilipino tapno ipakaammo a natalged dagiti kameng ti pamiliada.
Kadua dagiti tripulante a Pilipino dagiti sangapulo ket dua nga Indian crew members a kinemmeg ti Royal Malaysian Police idiay Kota Tinggi Police District Headquarters idiay Johor, Malaysia idi April 11 gapu iti kaawan ti passport ken dagiti kasapulan a dokumento.
