Maysa nga insidente ti panagtakawan iti napasamak idiay Magsingal Public Market, Barangay San Lucas ili ti Magsingal.
Ti biktima ket agtawen ti innem a pulo ket uppat, naasawaan, residente ti Barangay Maas-asin iti nadakamat nga ili.
Ti met suspek ket addan iti husto a tawen, residente ti Barangay Pug os, Cabugao.
Impakaammo ti biktima iti Magsingal Municipal Police Station nga idi agarup alas 7:47 ti bigat idi Hulyo 11 bayat ti kaadda na it tiendaan ket mapukpukaw ti wallet-na a naglaon ti P3, 000 a nakaikabil iti uneg ti bag-na.
Basar ti panag-review iti CCTV footage, ti biktima ket agkitkita ti ukay-ukay idin ti suspek a nagpammarang a maysa met laeng a customer ket innala na ti wallet iti uneg ti bag ti biktima.
Dagus a naglibas ti suspek iti saan a nasinunuo a direksion idi naala na ti wallet.
