VIGAN CITY – Maysa nga insidente ti panagtakawan ti napasamak idiay Calderon Street, Barangay II, Vigan City.
Nabigbig ti biktima a ni Ricky Pastor Perona, agtawen iti uppat a pulo ket tallo, agnaed iti Barangay Cabalanggan, Bantay idinto a dagiti dua a lalaki a suspek ket saan pay a nabigbig.
Segun iti biktima, innala ti suspek a nakakawes iti maroon a bado ken brown a short pants ti leather wallet na a color black a naglaon iti driver’s license, Landbak ATM, SSS ID, PAG-IBIG ID, Philhealth ID ken sangaribo a pisos.
Adda met kadua ti suspek a nagbambantay.
Basar iti CCTV footage, inkabil ti biktima ti wallet-na iti uneg ti compartment box ti motorsiklona sa na pinanawan a nakaparking iti kalsada, idin ta ti saan a nabigbig a lalaki ket pwinersana nga ingato ti tugaw ti mortorsiklo ken innalana ti wallet iti uneg ti box sa naglibas a nagturong iti amianan a direksyon.
Iti agdama, im-imbestigaran dagiti pannakabagi ti linteg ti pasamak ken ti pakabigbigan dagiti suspek.
