VIGAN CITY – Nagpalagip ti Vigan City Health Office inaig ti panangrugi ti Covid19 vaccination kadagiti agtawen iti lima agingga sangapulo ket maysa inton February 14 iti oras ti alas otso iti agsapa idiay Vigan Convention Center.
Awan ti walk-ins ta ma-texan dagiti nagrehistro no kaano ti schedule-da tapno malimitaran ti adu a tao iti lugar a pagbakunaan.
Dagiti ubbing nga agpabakuna ket masapul a maysa laeng a nagannak wenno guardian ti mangkuyog kenkuana idinto a mabalin nga agpa-booster dose dagiti saan pay a nakapa-booster a mangkuyog – masapul laeng a maitugot ti vaccination cards.
Kasapulan a maisagana ti kopya ti birth certificate, valid ID ti kumuyog a guardian wenno nagannak.
No dagiti kumuyog nga adult ket isu ti guardian, kasapulan ti certification a mangpaneknek nga isu ti guardian manipud iti kapitan wenno authorization dagiti nagannak.
