Pinasingkedan ni Department of Social Welfare and Development Secretary Rex Gatchalian a ti panangparmek iti bisin babaen iti Walang Gutom Program ket agbalin a maysa kadagiti patawid ni Presidente Ferdinand Marcos Jr.
Segun ken ni Gatchalian, nainget ti laban ti administrasyon kontra undernutrition, malnutrisyon, ken panagbisin.
Innayon ti opisial a ti WGP ti DSWD ket na-institutionalize kas flagship anti hunger program ti gobierno babaen iti Executive Order No 44 ket na-pilot test idi 2023 karaman dagiti 2,000 household-beneficiaries iti intero a pagilian.
Innayon ni Sec. Gatchalian a ti resulta ti pilot ket mangipakita iti bileg ti programa ngem mangted met iti rekomendasyon iti patakaran kas ti panangpasyaat iti sukat ti taraon ken per capita cost.
