Pinasingkedan ti Department of Social Welfare and Development (DSWD) a ti extended “Walang Gutom 2027” food stamp program ket epektibo a tignay iti rumegregta a food insecurity iti pagilian.
Ti addang ket sungbat ti DSWD iti resulya ti survey iti Social Weather Stations (SWS) a mangipakita iti ingangato ti panagbisin dagiti pamilia a Pilipino.
Impaganetget ni DSWD Secretary Rex Gatchalian ti napainget nga implementasyon ti food stamp program kasaruno ti SWS survey a mangibutbutaktak ti proporsyon iti pamilia a Pilipino a makarikrikna ti involuntary hunger ken ngimmato manipod 17.6& iti second quarter a nagbalin a 22.9% iti third quarter iti agdama a tawen.
Segun ken ni Gatchalian, araramidenen ti departamento ti insigida a panagtignay pakairamanan iti pannakapasayaat ti nationwide implementation iti Walang Gutom program.
