Suportaran ni Vice President Sara Duterte ti maysa nga anti-political dynasty law iti baet ti panagbalinna a miembro ti maysa a political family.
Segun ken ni VP Sara, isuna ti kalaingan a tao a mangputar iti daytoy a linteg gapu iti personal a kapadasanna iti maysa a political dynasty.
Inallukoy ti bise presidente dagiti botante nga ipokusda ti atensyonda iti kabaelan dagiti kandidato imbes nga iti apilyedoda.
Ti dynastiya ti pamilia Duterte ket limmawa kalpasan ti May 12 elections, ta innem a miembro ti pamiliada ti nabotosan.
Nagsubli a kas mayor ni dati a Presidente Rodrigo Duterte ti Davao City, ti putotna a ni Sebastian kas bise mayor, ken dagiti apona a da Omar ken Rigo kas konsehal iti siudad.
Adda sumagmamano nga anti-dynasty bills ti naipasa, ngem saan a nagbalin a linteg gapu iti kaadu dagiti political family iti kongreso.
