VP Sara, saanna pay a mapampanunotan ti agikkat iti puesto iti baet ti impeachment complaint

Saan pay a mapampanunotan ni Vice President Sara Duterte nga agikkat iti puesto iti baet dagiti impeachment complaint a naipila kontra kenkuana.

Iti maysa a press conference, kinuna ti bise presidente nga adayo pay isuna kadagiti kastoy a banag ken dagiti abogado ti mangtrab-trabaho.

Innayonna a saanna pay nga ammo no ania ti agbalin a tignay dagiti abogadona ngem naituding iti pannakitaripnongna kadakuada.

Maipalagip a 215 a kongresista ti nagperma iti 4^th impeachment complaint, nasursurok pay ngem iti 1/3 a kasapulan a perma dagiti 306 nga agpampandaylinteg tapno mayuli ti reklamo iti Senado.

Ti met Presidential Son ken Ilocos Norte Rep. Sandro Marcos ti immuna a nagperma iti maikapat nga impeachment complaint kontra ken ni VP Duterte.