Saan a dimmar-ay ni Vice President Sara Duterte iti umuna nga aldaw ti impeachment trial na iti Senate Impeachment court.
Pinasingkedan ti abogado na a karbengan ti bise presidente no kayat a ti legal counsel na ti mangibagi kenkuana iti trial.
Inlawlawag ni Atty. Michael Poa a maiyannatop iti impeachment rules no dagiti laeng abogado iti sumango ti trial.
Nupay kasta, innayon ni Poa a nabayagen a nakasagana ni VP Sara iti impeachment trial.
Kabayatanna, awan ti makitkita nga isyu ti kampo ni Vice President Sara Duterte kalpasan nga imbilin ni Impeachment Trial Presiding Officer Francis “Chiz” Escudero ti pannaka-isubli iti selyado a karton a naglaon ti tax records ti bise presidente ken ti asawa na a ni Atty. Mans Carpio iti Bureau of Internal Revenue (BIR).
