Saan a mapan ni Vice President Sara Duterte iti plenary proceedings iti impeachment case-na iti Kongreso, ngem imonitor laengen no ania ti pagdur-asanna.
Saan a dinakamat ni Atty. Michael Poa, spokesperson ti defense team ni Duterte no ayan ti bise presidente kabayatan ti proceeding ken saanna a kinumpirmaran no adda miembro ti defense team nga agparang iti plenaryo.
Manamnama a trataren ti Kongreso ti committee report nga inaprubaran ti House Committee on Justice, a nangibaga nga adda ‘probable cause’ tapno ma-impeach ni Duterte gapu iti mapapati a saan a husto a panagaramatna iti confidential funds ken dadduma pay a pammabsul.
Maipalagip nga idi Mayo 4, inaprubaran ti komite ti committee report nga adda naipasurot a resolusyon a naglaon iti articles of impeachment, a mangidalan iti panagbibinnotos ti kamara.
