Pinasingkedan ni Vice President Sara Duterte nga aguray iti publiko iti saritana no sungbatanna iti dua nga impeachment complaints a naipila kontra kenkuana a manamnama a maipasa inton bigat, March 16.
Segun ken ni VP Sara, yuray iti kaaddoan no agipila wenno saan ta aguray dagiti taga-House of Representatives.
Kinuna ni House Committee on Justice member ken Bicol Saro Party-list Rep. Terry Ridon, mapagpapatangan iti sumaruno a panagdenggeg inton March 18 ti posible a conflict of interest iti dua nga abogado ti Vice President a da Atty. Reynold Munsayac ken Michael Poa.
No maipanggep ti alegasyon ti 18 Marines iti maleta a mapapati a naglaon iti kuarta tapno pasuksokan ti sumagmamano a politicians, kinuna ni VP Sara nga agurayda iti posible a baro nga ebidensya sakbay nga agkomento.
Impaganetgetna a saanna a personal a bitbiten dagiti isyu kontra kenkuana ngem saanna a palabsen iti illegal nga aramid kontra iti pagilian kas iti korapsyon ken panagabuso.
