--Ads--
Kwinestionaran ni Vice President Sara Duterte ti imbestigasion ti National Bureau of Investigation kadagiti daga a mapapati a maikonkonektar kenkuana ken iti pamiliana.
Impaganetget ni VP Sara a saanna kukua ti lote a naipakita iti ladawan a madakdakamat iti Statement of Assets, Liabilities and Net Worth-na.
Nadakamatna pay ti mapapati a pannakaikkat iti NBI iti listaan dagiti testigo nga ipasango ti prosekusion iti impeachment proceedings gapu kadagiti kwestionable nga ebidensia, agraman ti Gracioso affidavit.
Innayon ni Duterte a nasken a mayataday iti linteg, naibasar iti kinapudno, ken agserserbi nga interes ti publiko ti kada addang dagiti ahensia a ponpondoan dagiti umili.
-- ADVERTISEMENT --
