Saan a mailaklaksid ni Vice President Sara Duterte iti maika-lima nga State of the Nation Address (SONA) ni Pres. Ferdinand “Bongbong” Marcos inton July 27.
Dayta iti kinumpirmaran ni House Secretary General Cheloy Garafil ta kinunana a pinatulodanda ti bise presidente iti imbitasion para ti SONA ti presidente.
No pay kasta ket awan ti ammo ni Garafil no dumar-ay wenno saan ni Duterte iti nasao nga okasion.
Maipalagip a saan a dimmar-ay ni Duterte iti maikadua a SONA ni Marcos idi 2023 ken idi 2024 a maikatlo a SONA ti presidente ket saan a dimmar-ay kalpasan a simmina iti abinete iti baet ti imbestigasyon iti Kamara iti kontrobersial a confidential funds.
Uray idi 2025 ket saan a pinansin ti bise presidente ti maikapat nga imbitasion ni Marcos ken nailatangan iti tugaw iti gallery iti session hall iti Kongreso a pakaisaysayangkatan iti panagsarita ti presidente kadagiti umili.
