Nagyaman ni Vice President Sara Duterte ken ni President Ferdinand Marcos Jr. ta naaddan iti gundaway a makasaritana ni dati a president Rodrigo Duterte maipanggep ti pamilia.
Dayta ket kasaruno iti panagbisita ti bise presidente iti dati a presidente iti International Criminal Court facility idiay The Hague, Netherlands.
Segun ken ni VP Sara, “ironic” man ngem pagyamananna ni Pres. Marcos ta nagpinnakawanda iti amana a dati a presidente ken nagpatangda maipapan ti pamiliada.
Kinunana bayat ti panangbisitana idiay The Hague a saandan a nakapagsarita ti amana maipanggep ti legal a banag ta dagiti abogado laeng iti mabalin a makisarita mainaig ti dayta.
Maipalagip a kinuna ni Marcos nga obligado ti Pilipinas a sumurot iti Interpol isu nga inserbida ti ICC arrest warrant kontra iti dati a presidente.
Sumangsango ti dati a presidente ti trial iti International Criminal Court mainaig ti mapapati a crimes against humanity.
