Pinasingkedan ni Vice President Sara Duterte a nagpatangda babaen iti tawag iti amana, a ni dati a Presidente Rodrigo Duterte mainaig iti pulitika ken ti lovelife ti dati a presidente.
Segun ken ni VP Sara, timmawag ti amana idi Biernes ken kunana nga adda isuna iti nasayaat a kasasaad.
Immunan a binagaan ti kampo ni dati a Presidente Duterte ti International Criminal Court a ti dati a lider ket saanna a kabaelan ti umatendar iti trial gapu iti mapapati a crimes against humanity agsipud ta saanna a malagip ti pamilia ken gagayyemna.
Pinasingkedan idi ti counsel ni Duterte a ni Nicholas Kaufman a saan a kabaelan ti dati a presidente ti manglagip kadagiti pasamak wenno dagiti miembro ti pamiliana.
Insanud ti ICC ti hearing iti confirmation charges kontra ken ni Duterte a naituding koma inton Setyembre 23.
