--Ads--
Kimmablaaw ni Vice President Sara Duterte kadagiti kadete ti Philippine National Police Academy “Silang Paglaom” Class of 2026 iti panagturposda ita a tawen.
Iti maysa a mensahe, impaganetget ni VP Sara ti napateg nga akem dagiti baro nga opisial iti baet ti pangta ti masangwanan kadagiti komunidad iti agdama.
Inallukoy pay ni Duterte dagiti miembro ti Class of 2026 nga ibiag dagiti bileg ti integridad, kinatured, ken kinapudno iti Republika.
Segun kenkuana, ti pudno a pagrukodan iti serbisioda ket saan a makita iti ranggoda no di ket iti kinasaganada a mangsalwad kadagiti umili.
-- ADVERTISEMENT --
Pinalagipan ti bise presidente dagiti baro a nagturpos a pilien ti dana ti pudno a serbisio publiko iti kada aldaw ti trabahoda.
