Indeklara ni Vice President Sara Duterte a ti relasionda ken ni President Ferdinand Marcos Jr. ket nakadanonen iti “point of no return”, gapu iti agtultuloy a harrastment kontra kenkuana ken iti opisinana.
Mamati ni Duterte nga ikagkagumaan ti Marcos Administration nga ikkaten isuna iti puesto, ta kayat ni Speaker Martin Romualdez nga agbalin a Vice President.
Binabalawna pay ti AFP ken PNP gapu iti “remiss” duties-da a mangsalaknib kenkuana ken ti pamiliana, nupay adda intelligence funding.
Inakusaranna ida a nangbalbaliw kadagiti salaysayda maipapan iti detalye ti seguridadna ken iti saanda a panagtignay kadagiti pangta ti biagna.
Kinarit ni Duterte dagiti agpapanday-linteg a mang-impeach kenkuana, ken awatenna no ania ti agbalin a resulta.
Nagkedked met nga umawat iti aniaman a police personnel a pinili ti AFP a mangsukat iti agdama a security detail.
Kiniddawna pay iti NBI nga i-reschedule ti panagparangna para iti subpoena a mainaig iti maipapan ken ni Presidente Marcos.
Patien ni Duterte a paset ti estratehia ti administrasion ni Marcos kadagiti kalabanna ti nasao a subpoena.
