Inawagan ni Bise Presidente Sara Duterte nga “uken” ni Presidente Ferdinand Marcos Jr. ken dati a senador Antonio Trillanes IV ti International Criminal Court (ICC).
Dayta ket kabayatan ti panagbitla ni VP Sara iti sangwanan dagiti mangsupsuporta kenkuana idiay The Hague, Netherlands.
Pinagduaduaanna ti kinapatas ti ICC ken patienna a maar-aramat daytoy kontra iti pamiliada.
Binabalawna pay ti akem da Marcos ken Trillanes iti kaso kontra ken ni dati a Presidente Rodrigo Duterte, a sumangsango iti kaso a crimes against humanity.
Kabayatanna, impaganetget ni Duterte nga awan ti hurisdiksion ti ICC iti Pilipinas kalpasan a nagikkat ti pagilian iti Rome Statute idi 2019, ngem ipapilit ti ICC a mabalinda a denggen dagiti kaso mainaig kadagiti alegasion a napasamak sakbay ti panagikkat ti Pilipinas.
