--Ads--
Inallukoy ni Vice President Sara Duterte dagiti maseknan nga ahensia ti gobierno a bantayan ti presio ti langis ken ti epektona kadagiti kangrunaan a magatang ken transportasion.
Segun ken ni VP Sara, ammona a naapektaran ti amin iti krisis iti suplay ti langis, isu a napateg ti panaginut iti enerhiya.
Karaman ditoy ti panag-carpooling, panagbisikleta, ken panangurnos iti schedule ti lakad tapno saan unay a masansan ti biahe.
Innayon ni VP Sara a nasken a maipatungpal dagiti addang kontra hoarding ken ti nalabes a panagpangina ti presio.
-- ADVERTISEMENT --
Inyunay-unayna pay ti kinapateg ti panangbukel iti komite nga agbantay iti presio ti bagas, manteka, plete, ken dadduma pay a kangrunaan a magatang nga apektado iti presio ti langis.
