--Ads--
Silulukat ni Vice President Sara Duterte a dumar-ay kadagiti masangwanan a Senate hearing mainaig iti pannakakemmeg ti amana a ni dati a Presidente Rodrigo Duterte kagiddan ti panagsagsaganana nga agsubli iti pagilian.
Segun ken ni VP Sara, inawis isuna ni Senador Imee Marcos iti maikadua a panagdengngeg ngem saan a nakadar-ay gapu iti busy nga schedule-na ken ti pagdiperensyaan ti oras ti Netherlands ken Pilipinas.
Nupay kasta, nakasagana latta ti bise presidente a makipaset kadagiti masangwanan a saludsod kenkuana no kasapulan ti komite.
Ti Senate hearing nga idadauluan ni Sen. Marcos a kabsat ni Presidente Marcos ket gagemna nga imbestigaran ti pannakakemmeg ti dati a presidente.
-- ADVERTISEMENT --
