Saan nga umatendar ni Vice President Sara Duterte inton November 20 para iti inquiry ti House good government and public accountability panel no kasano nga inaramat ti opisinana ken ti Department of Education kabayatan ti panagtakemna ti badyet.
Segun ken ni Duterte, sayang laeng ti orasna isu nga agipasa laengen iti affidavit tapno idiay nga agpalawag.
Innayon ti bise presidente nga idi immatendar para iti immuna a pannakaimbitarna, nagtugaw laeng ken saanda met a sinalsaludsod isu a kasla nasayang laeng ti orasna.
Gapu dayta, nagpakada no mabalinen a pumanaw ket pinalubosanda met.
Ti imbitasyon para iti November 20 inquiry ket naited iti bise presidente kabayatan ti imbestigasyon ti House QuadComm iti drug war killings idi panawen ti amana a ni dati a Presidente Rodrigo Duterte.
